Një incident me armë zjarri është regjistruar këtë të mërkurë në Mitrovicë, ku disa punonjës të Kompanisë Rajonale të Ujësjellësit “Mitrovica” janë sulmuar gjatë një kontrolli në terren.
Sipas mediave kosovare, punonjësit ishin duke inspektuar disa lidhje të dyshuara ilegale të ujit, kur ndaj tyre është qëlluar me armë zjarri.
Fatmirësisht, nga të shtënat nuk raportohet për persona të lënduar, ndërsa autori ka mundur të largohet nga vendi i ngjarjes dhe aktualisht është në kërkim nga autoritetet.
Policia e Kosovës ka bërë me dije se personi dyshohet për veprat penale “sulm ndaj personit zyrtar”, “mbajtje të paautorizuar të armës” dhe “përdorim të armës”. Hetimet vijojnë për zbardhjen e plotë të rrethanave të ngjarjes dhe identifikimin e autorit
