Një betoniere ka bërë bujë në protestën e organizuar këtë të shtunë, duke u shndërruar në një simbol të asaj që organizatorët e quajnë pastrim parash përmes sektorit të ndërtimit.
Protestuesit theksuan se praninë e betonieres e kanë të menduar për të nxjerrë në pah shqetësimet lidhur me investimet e paligjshme në ndërtim, të cilat lidhen me fitime të mundshme nga aktivitete kriminale.
Kjo simbolikë vjen në një periudhë kur SPAK ka nisur disa hetime dhe operacione ndaj bizneseve shqiptare të dyshuara për përfshirje me grupe kriminale. Këta individë dyshohet se kanë shfrytëzuar investimet në ndërtim për të legalizuar të ardhura që rrjedhin nga trafiku i drogës e aktivitetet e tjera të paligjshme.
Me këtë formë proteste, pjesëmarrësit bëjnë thirrje për më shumë transparencë dhe kërkojnë hetime të thelluara mbi burimin e kapitaleve që investohen në projektet e mëdha ndërtimore.
