Një denoncim publik ngre pikëpyetje mbi cilësinë e punimeve të asfaltimit në një rrugë pranë Drejtorisë Vendore të Policisë Shkodër.
Sipas postimit të Fation Manit, rruga është asfaltuar vetëm rreth një vit më parë, por në sipërfaqen e saj janë shfaqur çarje. Krahas dëmtimit të asfaltit, denoncimi ngre shqetësimin edhe për mungesën e tabelave paralajmëruese në zonën ku po kryhen punime.
Mani pretendon se mungesa e sinjalistikës përbën rrezik për automjetet dhe këmbësorët që lëvizin në këtë segment.
Në fund të reagimit, ai i drejtohet kryebashkiakut Benet Beci me ironi, duke iu referuar një deklarate të tij të mëparshme lidhur me çarjet e asfaltit.
