Alis Kallaçi është këngëtari që këtë vit përfaqëson Shqipërinë në Eurovision Song 2026 me këngën “Nân”. Ai konsiderohet një nga talentet më premtues të muzikës shqiptare dhe ka fituar vëmendje të madhe për stilin e tij emocional dhe interpretimin e fuqishëm.
Por kush është në të vërtetë ai?
Alis ka lindur në Shkodër dhe është 24 vjeç. Ai është rritur mes muzikës dhe artit, duke studiuar piano në shkollën artistike “Prenk Jakova”. Përveç pianos, ai luan edhe kitarë, gjë që e ka ndihmuar të krijojë stilin e tij unik muzikor.
Karriera e tij nisi të bëhej e njohur për publikun pas pjesëmarrjes në X Factor Albania, ku arriti të shpallej fitues. Ky sukses i hapi dyert drejt skenave më të mëdha muzikore në Shqipëri dhe i dha mundësinë të publikojë projektet e para muzikore.
Më pas, Alis mori pjesë në Festivali i Këngës 63′ me këngën “Mjegull”, ku u rendit i treti, duke treguar potencial të madh artistik, por vetëm një vit më vonë ai triumfoi në Festivalin e Këngës 64′ me këngën “Nân”, duke fituar të drejtën për të përfaqësuar Shqipërinë në Eurovision 2026.
Kënga “Nân” është vlerësuar për emocionin dhe mesazhin e saj prekës për familjen, largimin dhe mallin. Edhe fansat ndërkombëtarë të Eurovisionit kanë reaguar pozitivisht për performancën dhe vokalin e Alisit në rrjetet sociale.
Me zërin e tij karakteristik, paraqitjen skenike dhe emocionin që përcjell, Alis po e përfaqëson denjësisht Shqipërinë në skenën europiane të Eurovisionit.
North Press i uron fitore!
