Dy zjarrfikës kanë gjetur vdekjen në Greqi pasi u bllokuan brenda automjetit të tyre gjatë një operacioni për shuarjen e flakëve në zonën Sachtouria, pranë Nea Krya Vrisi, në Rethymno të Kretës.
Informacionet fillestare bëjnë me dije se zjarrfikësit humbën orientimin për shkak të tymit të dendur që mbuloi zonën, duke përfunduar të izoluar në brendësi të automjetit.
Viktimat janë identifikuar si një zjarrfikës 60 vjeç dhe një tjetër 28 vjeç.
Departamenti i Zjarrfikësve, në një deklaratë për ngjarjen, shprehu ngushëllimet e tij dhe theksoi se ata humbën jetën gjatë detyrës.
“Ata ranë heroikisht në krye të detyrës për të mbrojtur jetën dhe pronën e qytetarëve dhe mjedisin natyror. Udhëheqja fizike e Departamentit të Zjarrfikësve shpreh dhembjen e thellë dhe ngushëllimet e sinqerta familjeve dhe të dashurve të kolegëve tanë të ndjerë. Të gjitha mendimet tona janë me ta”, thuhet në reagim.
