Geralb Smajli ka konfirmuar sot përfundimin e bashkëpunimit me skuadrën e Ballkanit në Kosovë dhe u prezantua si futbollist i ri i Egnatias.
Në ceremoni, Smajli u shfaq i shoqëruar nga menaxheri i tij, Alsid Tafili, i cili vjen nga Shkodra. Tafili duket se ka marrëdhënie të mira me drejtuesit e klubit Egnatia, duke dërguar më parë disa lojtarë në Rrogozhinë.
Aktualisht, ajo që ka rëndësi është se pas aventurave me Vllazninë dhe Ballkanin, Smajli është gati për një kapitull të ri me ekipin kampion të Shqipërisë, ku pa dyshim do të përpiqet të tregojë talentin e tij në nivele më të larta.
