Kampionati Kombëtar i Futbollit për Femra hyn në fazën më të rëndësishme të sezonit, teksa këtë të shtunë do të zhvillohet gjysmëfinalja e dytë e “Final 4”.
Ekipi i KFF Vllaznia do të përballet me KF Gramshi në një ndeshje që pritet të sjellë emocione dhe rivalitet në fushën e lojës.
Takimi do të luhet më 23 maj, në orën 13:00, në Fusha Sportive Reshit Rusi.
Vajzat kuqeblu synojnë një tjetër finale dhe vijimin e dominimit në futbollin shqiptar të femrave, ndërsa Gramshi kërkon të surprizojë dhe të sigurojë një vend në ndeshjen vendimtare të sezonit.
