Deputeti demokrat, Belind Këlliçi ka denoncuar një tjetër rast të betonizimit të kryeqytetit.
Nga foltorja e Kuvendit ai ka publikuar një foto satelitore ku duken 8 vila luksoze që janë ndërtuar në zonën pas qendrës tregtare TEG.
Këlliçi ngre pyetjen se në pronësi të kujt janë këto vila, kush zyrtar banon brenda tyre dhe a është dhënë leje ndërtimi për to.
“Janë shfaqur 8 vila luksoze në Tiranë, pa zhurmë, në heshtje… Pyetjet lindin natyrshëm! Cili shef apo zyrtar banon aty? A është dhënë leje ndërtimi për këto vila? A është respektuar ligji? Bëni transparencë!”,– shprehet Këlliçi.
