Drejtuesi politik i Partisë Socialiste për qarkun Shkodër, Enea Karakaçi, ka zhvilluar takime me strukturat socialiste në disa njësi të Vaun e Dejës, në kuadër të procesit të riorganizimit të partisë dhe diskutimeve për problematikat e komunitetit.
I shoqëruar nga deputetja Xhenis Çela dhe kryetari i bashkisë Vau i Dejës, Kristian Shkreli, Karakaçi u ndal në Vaun e Dejës, Hajmel, Bushat dhe Vig-Mnel, ku u diskutua mbi ecurinë e punës në forumet e PS-së, shqetësimet e banorëve dhe investimet në zonë.
Në reagimin e tij, Karakaçi theksoi se angazhimi i Partisë Socialiste do të vijojë në terren në të gjithë qarkun Shkodër, me fokus tek problematikat e qytetarëve dhe zhvillimi i mëtejshëm i zonave.
