Mbrëmja e sotme shënoi përfundimin e edicionit të XVII-të të “Shkodra Jazz Festival”, me një koncert të veçantë që solli atmosferën karakteristike të jazz-it në zemër të Shkodrës. Në sheshin para Bashkisë, të apasionuarit pas muzikës patën rastin të dëgjojnë interpretime nga Tiziana Cappellino Trio dhe Mario Marzi & String Quintet, në një event që bashkoi muzikën, artin dhe trashëgiminë kulturore të qytetit.
Instituti Italian i Kulturës në Tiranë mbështeti koncertin e Tiziana Cappellino Trio, duke i ofruar kështu festivalit një pasuri të re në marrëdhëniet kulturore midis Shqipërisë dhe Italisë.
“Shkodra Jazz Festival” mbetet një ndër ngjarjet më të spikatura të jetës kulturore në Shkodër. I themeluar në vitin 2005 për të nderuar muzikantin e njohur shkodran Rrok Jakaj, ky festival ndër vite ka sjellë në qytet grupe dhe artistë të njohur të jazz-it, duke e shndërruar Shkodrën në një qendër të rëndësishme të kulturës muzikore.
