Një aksion i Inspektoratit Kombëtar të Mbrojtjes së Territorit është zhvilluar këtë mëngjes në zonën e Zdrales në Shkodër.
Në fokus të ndërhyrjes janë tre ndërtime të pozicionuara në hapësirën përpara hyrjes së kopshtit “Bep Tusha”, të cilat po prishen nga mjetet e IKMT-së.
Punonjësit e institucionit kanë nisur ndërhyrjen për shembjen e strukturave, ndërsa zona është vënë nën kontroll gjatë zhvillimit të aksionit.
Prishja e ndërtimeve synon lirimin e hapësirës dhe rikthimin e saj në funksion të komunitetit, veçanërisht në një pikë që përdoret çdo ditë nga prindërit dhe fëmijët që frekuentojnë kopshtin.
Aksioni pritet të vijojë deri në përfundimin e plotë të prishjes së tre strukturave.
