Forcat RENEA vijojnë negociatën prej disa orësh tashmë për të bindur 35-vjeçarin të dorëzohet.
Forcat e policisë i janë afruar makinës ku ndodhet autori dhe po përpiqen ta bindin të vetëdorëzohet, ndërsa në terren janë pozicionuar edhe snajperët e forcave speciale RENEA, të gatshëm për të ndërhyrë nëse situata përshkallëzohet.
Ngjarja e rëndë që tronditi Roskovecin ndodhi sot në mëngjes kur 35 vjeçari Refik Buzi ka shkuar në banesën e ish të fejuarës së tij Rozalinda Plaka në Vidhisht të Roskovecit dhe ka vrarë babain e saj Kosta Plaka 58 vjeç dhe ka plagosur gruan e tij Belere Plaka 55 vjeçe, e cila aktualisht ndodhet në spitalin e Fierit. Pas krimit ai ka marrë peng ish të fejuaren dhe e ka liruar pas 4 orësh, ndërsa ai vijon të jetë në makinë në fshatin Kurjan ku është rrethuar nga RENEA dhe FNSH.
