Në skenën e Teatri “Migjeni” do të shfaqet më 26 dhe 27 maj, në orën 20:00, komedia e errët “Gomerët e Trojeve”, me autor dhe regji nga Gent Bejko.
Vepra sjell një qasje satirike dhe ironike mbi mitin e Trojës, duke ngritur pyetjen: “Kush e ka fajin?”, ndërsa përmes humorit të zi dhe situatave groteske premton të sjellë reflektim dhe të qeshura për publikun.
Shfaqja ka një kohëzgjatje prej 95 minutash, ndërsa biletat kushtojnë 300 lekë. Organizatorët kanë bërë thirrje për rezervime të hershme për shkak të interesit të publikut.
