Gjykata e Lartë ka rrëzuar rekursin e paraqitur nga Fatime Kryemadhi. Kolegji Penal vendosi që procesi gjyqësor ndaj Kryemadhit të zhvillohet në Gjykatën e Posaçme kundër Korrupsionit dhe Krimit të Organizuar.
Kryemadhi kishte kërkuar që çështja të ndahej dhe Gjykata e Posaçme të deklaronte moskompetencë, duke kërkuar transferimin e shqyrtimit në Gjykatën e Tiranës. Sipas saj, ajo nuk përfshihet tek subjektet e posaçme.
Fatime Kryemadhi përballet me akuzën për pastrim parash, ndërsa SPAK ka kërkuar ndaj saj një dënim me 5 vite shërbim prove.
