Shoqata e gjuetarëve “Traditë dhe Pasion” në Vau Dejës ngre shqetësimin se gjatë viteve të moratoriumit, gjuetia e paligjshme jo vetëm që nuk është frenuar, por është shtuar, duke sjellë pasoja të rënda për faunën e egër.
Sipas përfaqësuesve të shoqatës, persona të ndryshëm vijojnë të ushtrojnë gjueti të paligjshme gjatë natës, duke dëmtuar popullatën e shpendëve dhe duke penalizuar gjuetarët që respektojnë rregullat dhe ligjin.
Në kuadër të përpjekjeve për ripopullimin e specieve të prekura, shoqata ka ndërmarrë një nismë konkrete duke lëshuar në natyrë 100 krerë rosa, me qëllim shtimin dhe rigjallërimin e fllanxës së fushës në zonë.
Ndërkohë, gjuetarët e rregullt kërkojnë që ligji i ri i gjuetisë, i miratuar nga Kuvendi në dhjetor 2025, të nisë sa më shpejt zbatimin, duke shpresuar se do të sjellë më shumë kontroll dhe mbrojtje për faunën e egër.
