Një burrë 35-vjeçar ka pësuar lëndime ndërsa po kryente punë në banesën e tij në Fier, duke krasitur degët e një peme.
Incidenti u shënua në lagjen “1 Maji”. Sipas informacioneve të para, Andi Sako po kryente punën në një lartësi rreth 6 metra, kur dyshohet se humbi ekuilibrin dhe ra nga lartësia.
Pasi ndodhi aksidenti, të afërmit i ofruan ndihmë të menjëhershme dhe e transportuan drejt urgjencës së Spitalit Rajonal të Fierit me mjet privat, ku po trajtohet nga personeli mjekësor.
Burimet bëjnë të ditur se 35-vjeçari ka marrë fraktura të shumta, por ndodhet jashtë rrezikut për jetën.
Ndërkohë, policia është duke hetuar për të sqaruar të gjitha rrethanat e rastit.
