Shkodër / Informacion fillestar
Rreth orës 13:30, në zonën e Shalës, një qytetar 75-vjeçar me inicialet P. B., banor i Shkodrës, dyshohet se ka rënë aksidentalisht në një terren të thepisur malor, duke pësuar dëmtime fizike si pasojë e rrëzimit.
Pasi u mor njoftimi, në vendngjarje kanë mbërritur shërbimet e Policisë së bashku me ekipin e urgjencës mjekësore.
Po ashtu, drejt vendit të ngjarjes është nisur grupi hetimor, i cili, nën udhëheqjen e Prokurorisë, do të kryejë të gjitha veprimet e nevojshme për të zbardhur rrethanat e plotë të ngjarjes.
