Portugalia siguroi kualifikimin në 1/8 e finales së Botërorit 2026, pasi përmbysi Kroacinë me rezultatin 2-1 në një ndeshje spektakolare të zhvilluar në Toronto, e vlefshme për fazën e 1/16-ve.
Kroatët kaluan të parët në epërsi në minutën e 52-të me Ivan Perisiçin, por Portugalia reagoi. Cristiano Ronaldo barazoi shifrat në minutën e 67-të nga pika e bardhë e penalltisë, ndërsa goli i fitores erdhi në minutën e tretë shtesë të kohës së rregullt, kur sulmuesi i ri i Milanit, Gonçalo Ramos, shënoi pas një asistimi të përkryer nga Rafa Leao.
Sfida u karakterizua edhe nga tre gola të anuluar pas ndërhyrjes së teknologjisë. Në minutën e 60-të, Cristiano Ronaldos iu anulua një gol për pozicion jashtë loje. Më pas, në minutën e 80-të, edhe Luka Suçiç pa t’i anulohej një realizim, ndërsa në minutën e 103-të goli i Josko Gvardiolit u anulua nga VAR-i, pasi prekja e topit nga Perisiçi, i cili ndodhej në pozicion jashtë loje, rezultoi vendimtare.
Pas vërshëllimës së fundit, Portugalia vazhdon rrugëtimin në Botëror dhe në fazën e 1/8-ve do të përballet me Spanjën. Në anën tjetër, Kroacia i jep fund aventurës së saj në turne, ndërsa kjo ishte edhe ndeshja e fundit me fanellën e Kombëtares për Luka Modriçin.
Zhgënjimi ishte i madh në kampin kroat, ku shumë futbollistë shpërthyen në lot pas eliminimit, mes tyre edhe mesfushori i Interit, Luka Suçiç.
