Biznesmeni Alban Thika ka bërë një postim ironik në rrjetet sociale për Bashkinë Shkoder, duke rikthyer sërish në vëmendje mosfunksionimin e bllokuesve automatikë në hyrje të pedonales së ketij qyteti.
Ai ka publikuar një fotografi në Facebook, ku ironizon situatën me pistonin inteligjent në hyrje të pedonales. Në reagimin e tij ai shkruan se pistoni “ka vendosur të mos kryejë funksionin për të cilin është instaluar”, duke lënë të kuptohet se hyrja e automjeteve në pedonale vijon pa pengesa.
Në foto shihet një automjet i Policisë Bashkiake, qe eshte futur ne pedonale, çka ka sjellë reagime dhe komente të shumta nga qytetarët në rrjet.
Problematika e hyrjes së automjeteve në pedonale është diskutuar shpesh nga banorët e Shkodrës, të cilët kërkojnë më shumë kontroll dhe funksionim efektiv të sistemit të sigurisë në këtë zonë të qytetit.
