Një zjarr u shfaq pranë Fushës së Aviacionit në Gjirokastër, duke alarmuar autoritetet lokale.
Flakët shpërthyen në një kanal që ndan Fushën e Aviacionit nga një parcelë bujqësore dhe nisën të përhapen me shpejtësi.
Zjarrfikësit ndërhynë pa humbur kohë, duke arritur të izolojnë dhe të shuajnë plotësisht zjarrin. Siç raporton gazetarja Brikena Metaj, ndërhyrja e shpejtë e shërbimit zjarrfikës pengoi përhapjen e flakëve dhe parandaloi dëmet në prona apo ambiente të tjera përreth.
Ndërkohë, organet ligjzbatuese vijojnë hetimet për të sqaruar rrethanat dhe arsyet e ngjarjes. Të dhënat e para sugjerojnë se zjarri mund të jetë vendosur qëllimisht.
