Ndërsa sezoni turistik arrin kulmin, zona e Thethit është përballur me mungesë të energjisë elektrike, duke sjellë probleme për banorët dhe duke u krijuar vështirësi të shumta turistëve.
Një prej banorëve të Thethit ka ngritur shqetësimin për mungesën e energjisë që, sipas tij, ka filluar që në mesnatë. Ai thekson se ndërprerja e gjatë rrezikon prishjen e produkteve ushqimore, ndërkohë që strukturat pritëse po hasin sfida të mëdha pikërisht në periudhën më intensive për turizmin.
Banori ironizon gjithashtu promovimin që i bëhet Thethit si destinacion turistik, duke theksuar se situata aktuale është shumë larg asaj që paraqitet në materiale promovuese.
Më poshtë është mesazhi i tij i plotë:
“Sot jena qysh ne mesnate pa drita, Thethi turistik pra. Te vijn ta hellin nji video me dron prap. Turizem pa drita veç ne gjeshim ne Afrik. Jena detyru me iu qit me hanger turistave vec turshi se tjerat po na prishen. Qojini fjalë Ramës, maneti zotit si i ka ata shokt e paketes së maleve sot pa drita.Ne fakt ska pas koh me i ba 13 vjet.”
Burimi: Portali Veriu Sot
