Një grup i posaçëm i policisë greke, i përbërë nga oficerë të Departamentit të Kërkimit, D.D.E.E.A. dhe G.A.D.A., vuri në pranga një shtetas shqiptar 48-vjeçar në zonën e Filotheit, Athinë, gjatë mesditës së djeshme. Arrestimi u krye në bazë të një urdhër-arresti ndërkombëtar të lëshuar nga autoritetet shqiptare për vrasje.
Sipas të dhënave zyrtare, i ndaluari dyshohet se ka vrarë një bashkatdhetar të tij në Tiranë, në vitin 2006, duke përdorur armë zjarri.
48-vjeçari është dërguar në Prokurorinë Publike për procedurat e mëtejshme ligjore.
