Një 60-vjeçar është vënë në pranga në Tiranë, pasi dyshohet se ka kërcënuar për shkak të detyrës shefin e Hetimit Doganor, i cili mban atributet e Policisë Gjyqësore.
Burime bëjnë me dije se personi i arrestuar është Adnan Rexha, ndaj të cilit është hapur një proces hetimor për akuzën “kanosje për shkak të detyrës”.
Incidenti dyshohet të ketë ndodhur në ambientet e Prokurorisë së Tiranës, ku 60-vjeçari ka kanosur zyrtarin që ushtron funksionet e Policisë Gjyqësore.
Ndërkohë, autoritetet po vijojnë punën për të sqaruar plotësisht rrethanat e këtij rasti si dhe për të përcaktuar shkaqet që qëndrojnë pas konfliktit.
