Armir Grima është zgjedhur në krye të Shoqatës Rajonale të Futbollit Shkodër, në zgjedhjet e zhvilluara këtë të premte në stadiumin “Loro Boriçi”. Ai pason në këtë detyrë Lazër Matinë, i cili dha dorëheqjen.
Grima ishte kandidati i vetëm për këtë post, pasi 20 nga 21 shoqatat me të drejtë vote në Qarkun Shkodër e kishin propozuar për drejtimin e institucionit.
Ish-portieri dhe kapiteni i Vllaznisë, i cili aktualisht drejton Kombëtaren e vajzave, merr përsipër një detyrë të re në futbollin shkodran, pas një karriere të gjatë si futbollist dhe trajner.
