Armando Broja nuk ishte pjesë e skuadrës së Burnley-t në miqësoren e sotme kundër Ajaxit. Takimi u zhvillua në “Johan Cruijff Arena” të Amsterdamit, ku vendasit arritën një fitore me rezultatin 2-1.
Mungesa e Brojës shtron pikëpyetje për të ardhmen e tij, sidomos pasi nuk ka pasur raportime për ndonjë dëmtim gjatë fazës përgatitore.
Trajneri Niki Hajen ishte në ndeshjen e tij të dytë si drejtues. Ndërkohë që Broja kishte qenë titullar në miqësoret e zhvilluara në SHBA kundër Columbus Crew dhe Real Salt Lake, këtë herë në Europë ai nuk i mori minutat e dëshiruara.
Lidhur me të ardhmen e tij, 24-vjeçari vazhdon të zgjojë interesim nga klubet e Serie A, ku gjatë merkatos së verës është përmendur veçanërisht emri i Cagliarit.
