Menjëherë pas faljes së Namazit të Kurban Bajramit, një numër i madh qytetarësh nga Kosova i janë drejtuar Shqipërisë për të festuar dhe për të kaluar disa ditë pushimi.
Kjo ka sjellë një rritje të ndjeshme të fluksit të lëvizjes në pikën kufitare të Morinë, në kufirin mes Kosovës dhe Shqipërisë, ku gjatë minutave të fundit është regjistruar trafik i shtuar i udhëtarëve dhe automjeteve.
Autoritetet kufitare po punojnë për të përballuar fluksin e lartë të hyrjeve, duke zbatuar edhe marrëveshjen për lehtësimin e kontrolleve në këtë pikë kalimi.
Qytetarët nga Kosova kanë përcjellë urime për Kurban Bajramin për besimtarët myslimanë në të gjitha trojet shqiptare, duke theksuar se udhëtimi i tyre lidhet jo vetëm me festën, por edhe me vizitat familjare dhe pushimet disa ditore në zonat turistike të Shqipërisë.
Shumë prej tyre thonë se tashmë është kthyer në traditë që festat fetare t’i kalojnë mes familjarëve, duke shfrytëzuar njëkohësisht mundësinë për pushime në Shqipëri.
