Nga skuadra e Tiranës janë konfirmuar 13 lojtarë që ose janë pa kontratë, ose janë larguar nga ekipi, duke shënuar një fazë të rëndësishme ndryshimesh në përbërjen e bardhebluve.
Në repartin e portës dhe mbrojtjes, situata nis me portierin Angelo Tafas, ndërsa në qendër të prapavijës listohen Anton Kresiç, Edison Kola, Diar Halili dhe Henry Marku, lojtarë që kanë mbajtur role të rëndësishme në sezonin e fundit, por tani e ardhmja e tyre mbetet e paqartë. Në mesfushë, largimet prekin Rafael, Ermal Meta dhe veteranin Erando Karabeci, duke krijuar një boshllëk të ndjeshëm si në aspektin fi zik ashtu edhe në eksperiencë.
Në repartin ofensiv, ndryshimet janë po aq të forta. Rijad Kobiljar dhe Rimal Haxhiu pritet të mos jenë më pjesë e projektit, ndërsa në sulm situata prek Redon Xhixhën, Oluuabori Falaje dhe të riun Donat Mehmeti. Këto largime tregojnë qartë se Tirana po hyn në një fazë rindërtimi, ku do të duhet të riformatohet thuajse një pjesë e rëndësishme e skuadrës, me synimin për të rikthyer stabilitetin dhe garën për objektiva madhorë në sezonin e ardhshëm.
