Pothuajse gjysma e italianëve, rreth 47%, deklarojnë se stresi i lidhur me punën është shkaku kryesor i shqetësimeve mendore në jetën e përditshme.
Të dhënat dalin nga një sondazh i realizuar nga Universiteti i Udines në emër të festivalit kulturor dhe shkencor Collega-menti.
Studimi u bazua në përgjigjet e 625 italianëve të moshës nga 18 deri në 60 vjeç dhe evidenton se mbingarkesa dixhitale renditet si burimi i dytë më i madh i stresit.
Eugenio Mazzarella shpjegoi se presioni i vazhdueshëm për të performuar po ndikon negativisht në marrëdhëniet personale dhe në mirëqenien psikologjike.
Ndërkohë, drejtuesja shkencore, Barbara Galavotti, tha se nevoja për të rikthyer ekuilibrin emocional dhe social është bërë një prioritet për shoqërinë moderne.
