Është përmbyllur sot ceremonia finale e “Kampionatit Pranveror 2026”, organizuar nga qendra kulturore e fëmijëve “Kujtim Alija”, me pjesëmarrjen e rreth 40 shkollave 9-vjeçare të bashkisë Shkodër. Kampionati solli një atmosferë festive dhe sportive, ku nxënësit u përfshinë në gara dhe aktivitete të ndryshme përgjatë kampionatit.
Herion Faslija, përgjegjësi i sportit, ka vlerësuar rëndësinë e aktiviteteve të tilla, që ndihmojnë në aktivizimin e të rinjve, nxisin frymën e bashkëpunimit dhe i mbajnë larg varësisë nga teknologjia dhe rrjetet sociale.
Në përfundim të kampionatit, fituese u shpall shkolla “Zemra e Krishtit”, e cila u vlerësua për rezultatet gjatë garës.
