Një aksident i rëndë është shënuar paraditen e kësaj të enjteje, në “Qytetin Studenti” në Tiranë.
Një makinë ka përplasur një djalë, teksa udhëtonte me biçikletë duke e lënë pa ndjenja.
Autori i dyshuar i aksidentit është larguar nga vendngjarja, duke mos i dhënë ndihmën e parë të riut.
Kanë qenë kalimtarët dhe qytetarët e shumë që i kanë dhënë ndihmën e parë siç shihet dhe nga pamjet, ndërsa ambulanca ka mbërritur me 20 minuta vonesë.
I riu dyshohet të këtë thyer këmbën sipas informacioneve paraprake në vendngjarje, ndërsa është dërguar në spital për ndihmë më të specializuar mjekësore.
