Shkodër/ Rrethrrotullimi në hyrje, rrezik për automjetet

Rrethrrotullimi në hyrje të Shkodër vijon të mbetet një nga pikat më problematike për qarkullimin e automjeteve dhe lëvizjen e këmbësorëve. Banorët dhe kalimtarët shprehen të shqetësuar për mungesën e sigurisë në këtë segment rrugor, ku rreziku për aksidente konsiderohet i lartë. Sipas qytetarëve, mosrespektimi i rregullave të qarkullimit nga këmbësorët, por edhe lëvizja me shpejtësi mbi normat e lejuara nga drejtuesit e mjeteve, e kthen këtë zonë në një pikë të rrezikshme. Sipas tyre, në këtë zonë janë regjistruar edhe disa raste aksidentesh, ku këmbësorë janë përplasur nga mjetet, duke rritur frikën dhe pasigurinë tek kalimtarët.
Me afrimin e sezonit veror dhe rritjen e numrit të automjeteve që hyjnë në qytet përmes By Pass-it, shqetësimet pritet të shtohen edhe më tej, ndërsa qytetarët kërkojnë ndërhyrje dhe masa konkrete për rritjen e sigurisë rrugore në këtë aks.