Punimet në rrugën “Marin Biçikemi”, pranë Katedrales së Shën Shtjefnit, janë rikthyer sërish në vëmendje, por këtë herë për riparimin e pllakave të dëmtuara në një nga zonat më të frekuentuara të qytetit.
Pamjet e publikuara tregojnë punëtorë dhe mjete në terren, ndërsa qytetarët përballen me kufizime në lëvizje dhe ndërhyrje të vazhdueshme në infrastrukturën e qendrës.
Sipas kritikëve, fakti që pllakat po riparohen sërish pak kohë pas ndërhyrjeve të mëparshme ngre pikëpyetje mbi mënyrën si janë realizuar punimet dhe mbi fondet e shpenzuara për mirëmbajtjen e qytetit.
Nga ana tjetër, Bashkia Shkodër deklaron se puna po vijon për përmirësimin e infrastrukturës dhe estetikës urbane, duke e cilësuar ndërhyrjen si pjesë të punimeve të përditshme në territor.
