Punimet që po zhvillohen në qytetin e Lezhë për ndërtimin e kanalizimeve të ujërave të bardha dhe të zeza kanë sjellë një situatë të vështirë për qytetarët.
Këto ndërhyrje, të cilat kanë nisur që në fillim të vitit 2026, synojnë përmirësimin e infrastrukturës dhe zgjidhjen e problemeve të përmbytjeve në qytet.
Aktualisht, punimet kanë krijuar një kaos të madh në qarkullimin rrugor në Lezhë. Rrugët e bllokuara dhe mungesa e plotë e sinjalistikës po e bëjnë lëvizjen me automjete të vështire. Drejtuesit e mjeteve përballen me trafik të rënduar dhe devijime të shumta në zona të ndryshme të qytetit.
Drejtuesit e automjeteve shprehen se kjo gjendje është shqetësuese, pasi në shumë raste detyrohen të futen në rrugica të ngushta për të shmangur segmentet e bllokuara, ku jo pak herë përballen edhe me bllokim të mjeteve.
Ata theksojnë se edhe pse punimet janë të domosdoshme për përmirësimin e infrastrukturës së qytetit, kaosi i krijuar në qarkullim është i madh dhe po vështirëson përditshmërinë e qytetarëve
