Sidorela Vatnikaj, një nga aktivistet e njohura, ka bërë të ditur se protesta kundër qeverisë ka arritur në ditën e saj të 149-të, ndërkohë që lajmëroi për mbajtjen e një tjetër tubimi të planifikuar për nesër.
Gjatë deklaratës së saj, Vatnikaj shprehu kritika ndaj mënyrës së ndërhyrjes nga policia në protestat e fundit, duke theksuar shqetësimin se të njëjtat skena mund të përsëriten gjatë ditëve në vazhdim.
Sipas saj, protestuesit kanë parashikuar të mblidhen të enjten në orën 13:00 përpara godinave të fakulteteve, nga ku do të nisin marshimin në drejtim të Ministrisë së Arsimit.
“Jemi në ditën e 149 të protestës dhe duke parë edhe terrorin e ditëve të fundit, besoj se njerëzit kanë zgjedhur këtë mënyrë apo këtë pauzë. Nesër kanë thirrur një grumbullim para Fakulteteve në orën 13:00 për të marshuar më pas drejt Ministrisë së Arsimit. Ditët e fundit ka qenë një dhunë makabër e ushtruar drejt të rinjve dhe nuk na jep besueshmëri se nuk do veprojë njësoj në ditët në vijim”, tha ajo.
