Aktiviteti sensibilizues “Eja, merre zemrën rozë!” u organizua në Shkodër në kuadër të Tetorit Rozë, në ditën kombëtare të “depistimit të kancerit të gjirit”. Eventi synoi të rrisë ndërgjegjësimin për rëndësinë e zbulimit të hershëm të kësaj sëmundjeje.
Të dhënat zyrtare për këtë vit tregojnë se në Shqipëri janë regjistruar mbi 800 raste të reja me kancer gjiri, ku 19 prej tyre i përkasin meshkujve. Për vitin 2026, në Shkodër janë raportuar 30 raste të reja. Onkologja Ana Xhuveli theksoi se gratë e reja janë më të predispozuara të kryejnë vizitat e nevojshme, ndërsa mungesa e gatishmërisë vërehet kryesisht te personat mbi 70 vjeç.
Zonjat kanë mundësinë të kryejnë ekzaminimet imazherike çdo ditë të vitit, duke u dhënë atyre shansin të bëjnë kontrolle të rregullta, pasi diagnostikimi i hershëm luan rol jetik në shpëtimin e jetës.
Gjatë këtij tubimi u përcoll një mesazh i unifikuar ndërgjegjësimi për gratë dhe vajzat, duke u kujtuar se kujdesi ndaj vetes është një akt dashurie për jetën dhe se kontrolli i hershëm mund t’i shpëtojë jetën çdo gruaje.
