Një ngjarje e dyshuar me lëndë plasëse është regjistruar në Ishull-Lezhë, ku është dëmtuar çatia prej llamarine e një ndërtese që përdorej për mbajtjen e materialeve shtëpiake.
Sipas informacionit paraprak të policisë, rreth orës 00:05, një 65-vjeçar me inicialet B. Sh., banues në Ishull-Lezhë, ka njoftuar për dëmtimin e ndërtesës.
Dyshohet se dëmtimi është shkaktuar nga përdorimi i lëndës plasëse, ndërsa ende nuk dihen rrethanat e plota të ngjarjes.
Grupi hetimor po vijon veprimet për të zbardhur ngjarjen, si dhe për identifikimin dhe kapjen e autorit ose autorëve të dyshuar.
“Rreth orës 00:05, shtetasi B. Sh., 65 vjeç, banues në Ishull-Lezhë, ka njoftuar se ishte dëmtuar dyshohet me lëndë plasëse çatia prej llamarine e një ndërtese që ai e përdorte për mbajtjen e materialeve shtëpiake. Grupi hetimor vijon veprimet për sqarimin e plotë të rrethanave të ngjarjes, si dhe për identifikimin dhe kapjen e autorit/autorëve”, thuhet në njoftimin e policisë.
