Famullitari i Shkodrës, Dom Mikel Pllumaj, përcolli një thirrje për paqe dhe dashuri mes shqiptarëve gjatë meshës së vigjiljes së Zojës së Shkodrës.
Përpara qindra besimtarëve të mbledhur në Katedralen “Shën Shtjefni”, ai iu referua situatës së tensionuar në vend dhe protestave të dhunshme të ditëve të fundit, duke theksuar nevojën që shqiptarët të mos kthehen kundër njëri-tjetrit.
Mesazhi i tij ishte një apel për më shumë mirëkuptim, solidaritet dhe respekt për jetën, në një kohë kur përplasjet dhe dhuna kanë shoqëruar zhvillimet e fundit në vend.
