Bardh Spahia ka reaguar ashpër pas publikimit të pamjeve të dhunës ndaj të miturve gjatë protestës në Tiranë. Përmes një statusi, ai e cilëson atë që ka ndodhur si një akt barbarie dhe akuzon regjimin për dhunë ndaj fëmijëve.
“Këto pamje janë një klithmë që shpon shpirtin dhe dëshmojnë fytyrën e vërtetë dhe fundin e një regjimi kriminal!”, shkruan Spahia.
Ai e konsideron dhunën ndaj të miturve të pafalshme, duke shprehur revoltën për atë që e cilëson si terrorizim të fëmijëve.
“Turp, dhimbje dhe një revoltë e thellë për këtë mizori që prek shpirtrat e shqiptarëve të lirë kudo!”, përfundon reagimin e tij Bardh Spahia, me thirrjen: “Poshtë diktatura!”
