Në lagjen “5 Shkurti” në Ballsh, një 52-vjeçar është plagosur pasi u rrëzua nga lartësia gjatë riparimit të çatisë së shtëpisë së tij. Sipas informacioneve, Festim Sulaj dyshohet se humbi ekuilibrin teksa po punonte në çati, duke rënë në tokë dhe duke marrë dëmtime, kryesisht në pjesën e pasme të kokës.
Pasi iu dha ndihma e parë mjekësore në Spitalin e Ballshit, ai u dërgua në Spitalin Rajonal të Fierit për kontrolle dhe trajtim të mëtejshëm. Ndërkohë, grupi hetimor po vijon punën për të sqaruar shkaqet dhe rrethanat e ngjarjes.
