53-vjeçari Andon Kapetani, i njohur gjithashtu si Arben Kapetani, ka humbur jetën në Spitalin e Traumës pas një aksidenti të rëndë në punë. Kapetani ishte lindur dhe banues prej vitesh në Sarandë.
Aksidenti ndodhi mesditën e 29 shtatorit, kur Kapetani ra nga një skelë gjatë kryerjes së punimeve për lyerjen e fasadës së një banese në rrugën “Mit’hat Hoxha”, në lagjen nr. 4 të Sarandës. Pas rrëzimit, ai u transportua me helikopter në spital në gjendje kome.
Pavarësisht ndërhyrjes mjekësore, plagët e marra kanë rezultuar fatale dhe ai nuk arriti t’i mbijetojë dëmtimeve të rënda.
