Bardh Spahia ka reaguar me tone të forta ndaj rregullave për komunikimin publik të mjekëve dhe infermierëve, duke e cilësuar si “rikthim të censurës” dhe duke e krahasuar me metodat e diktaturës.
Në reagimin e tij, Spahia thotë se kushtëzimi i deklaratave publike të bluzave të bardha me miratime institucionale është një përpjekje për të kufizuar të vërtetën mbi problemet në sistemin shëndetësor.
Ai u bën thirrje mjekëve dhe infermierëve të mos heshtin dhe të mos pranojnë, sipas tij, “nënshtrimin” ndaj strukturave drejtuese. Spahia e lidh gjithashtu këtë çështje me Betimin e Hipokratit dhe përgjegjësinë e mjekëve ndaj pacientëve.
