“Kur krimi të vendosë për fatin e fëmijëve tuaj, kujt do t’i drejtoheni?”- Me këtë pyetje, deputetja Jozefina Topalli ngriti në Kuvend shqetësimet e saj për funksionimin e disa prej strukturave të sigurisë në vend.
Nga foltorja e Kuvendit, Topalli vuri në pikëpyetje rolin e Policisë së Shtetit, laboratorit kriminalistik dhe sistemit TIMS, duke ngritur akuza të forta për mënyrën se si funksionojnë këto struktura.
“Tek drejtori i Policisë që është në shërbim të krimit, ku do të gjeni prova te laboratori i krimit që i zhduk ato? Tek drejtori i TIMS që ia çon të gjitha informacionet krimit?”, deklaroi ajo.
Fjalimi i deputetes vjen në një moment kur në qendër të vëmendjes është vendosur çështja që lidhet me ish-drejtuesen e SHISH, Vlora Hyseni, dhe Ergys Agasin, duke shtuar pikëpyetjet mbi sigurinë dhe funksionimin e institucioneve ligjzbatuese.
