Reperi i njohur amerikan Macklemore ka vendosur të dhurojë të gjithë përfitimin neto prej 1 milion dollarësh, të fituar nga turneu si artist mbështetës në koncertet e këngëtarit britanik Ed Sheeran, për të ndihmuar civilët në Gaza.
Kjo shumë do të ndahet midis gjashtë organizatave humanitare që operojnë drejtpërdrejt në rajon: Palestine Children’s Relief Fund, Heal Palestine, Gaza Soup Kitchen, Medical Aid for Palestinians, UNRUA USA National Committee dhe Anera. Qëllimi kryesor është ofrimi i ushqimit, ndihmës mjekësore dhe ndihmës emergjente për fëmijët dhe familjet e prekura nga situata e krizës.
Ky vendim ka ngjallur reagime të shumta në rrjetet sociale, ndërsa ka ndikuar edhe në perceptimin publik të vetë Ed Sheeran.
Sipas informacioneve të publikuara, brenda vetëm një dite Ed Sheeran ka humbur rreth 150 mijë ndjekës në llogarinë e tij në Instagram.
Pasojat janë ndjerë edhe në media, pasi transmetuesi irlandez “Classic Hits Radio”, që është pjesë e grupit Bay Broadcasting, ka bërë me dije se do të pezullojë transmetimin e të gjitha këngëve të Ed Sheeran për një periudhë të pacaktuar kohore.
