Mesditën e së shtunës, një makinë tip “Ford” u përfshi nga flakët brenda tunelit panoramik të aksit Elbasan–Tiranë.
Zjarri shpërtheu pikërisht në momentin kur automjeti po kalonte tunelin, duke shkaktuar panik për drejtuesin dhe duke vështirësuar qarkullimin në këtë pjesë të rrugës.
Për të përballuar situatën, forcat zjarrfikëse të Elbasanit, të cilat ishin të vendosura pranë fshatit Bradashesh, ndërhynë menjëherë për të shuar flakët.
Falë ndërhyrjes së tyre të shpejtë, zjarri u vu nën kontroll pa u përhapur më tej.
Ngjarja kaloi pa lëndime për persona, raportojnë autoritetet.
Arsyeja e shpërthimit të zjarrit në automjetin “Ford” ende nuk është përcaktuar.
