Janë identifikuar dy personat që ranë në kontakt me rrymën elektrike në fshatin Karmë të Vaut të Dejës.
Viktima është Sokol Preka, 40 vjeç, i cili punonte si roje në një lokal bar-kafe në pronësi të shtetasit Gj. S. Preka dyshohet se ka rënë në kontakt me energjinë elektrike në ambientet e jashtme të lokalit dhe ka humbur jetën gjatë transportimit për në spital.
I plagosur rëndë ka mbetur David Deda, 46 vjeç, me profesion elektricist, i cili ndodhet nën kujdesin e mjekëve.
Ngjarja ka ndodhur në rrethana që mbeten ende për t’u sqaruar. Grupi hetimor, nën drejtimin e Prokurorisë, po vijon punën për zbardhjen e plotë të shkaqeve dhe rrethanave të incidentit.
