Kryetarja e Partisë Socialiste në Malësinë e Madhe, Florida Peraj, ka ndarë në rrjetet sociale pamje nga Kelmendi, duke promovuar bukuritë natyrore të kësaj zone.
Në postimin e saj, Peraj ka publikuar momente nga Vermoshi, mes shtigjeve malore, pyjeve dhe panoramave alpine, duke veçuar edhe Majën e Marlules dhe zonën e njohur si Varri i Memit.
Kelmendi mbetet një nga zonat më të frekuentuara nga turistët dhe të apasionuarit pas natyrës, falë peizazheve malore, shtigjeve dhe biodiversitetit që ofron.
