KF Vllaznia ka zyrtarizuar afrimin e portierit moldav Cristian Avram. 28-vjeçari ka firmosur një kontratë 2-vjeçare me klubin shkodran dhe do të jetë pjesë e skuadrës kuqeblu për sezonet e ardhshme.
Avram, i cili është aktivizuar edhe me Kombëtaren e Moldavisë, vjen te Vllaznia për të përforcuar repartin e portës, duke sjellë me vete eksperiencën e fituar në kampionatin moldav dhe në arenën ndërkombëtare.
Klubi shkodran e ka prezantuar portierin e ri me mesazhin: “Mirë se erdhe në Shkodër, Cristian! Suksese me fanellën kuqeblu!”
