Një aksident rrugor ndodhi në segmentin Fier–Lushnje, në zonën e njohur si “Ura e Mbrostarit”.
Ngjarja përfshiu një Fiat dhe një Volkswagen, të cilat u përplasën me njëra-tjetrën.
Si pasojë e përplasjes së fortë, plagë morën drejtuesi i njërës prej makinave dhe pasagjeri i tij.
Të lënduarit, që janë një nga drejtuesit e automjeteve dhe djali i tij i mitur, u dërguan me urgjencë në Spitalin Rajonal të Fierit, ku po marrin trajtimin e nevojshëm mjekësor. Informacionet paraprake bëjnë me dije se ata ndodhen jashtë rrezikut për jetën.
Forcat e policisë kanë mbërritur në vendngjarje dhe po vijojnë hetimet për të përcaktuar shkaqet dhe rrethanat e aksidentit.
