Ish-presidenti i Shteteve të Bashkuara, Donald Trump, ka bërë një deklaratë të re lidhur me tensionet në Ngushticën e Hormuzit, duke nënvizuar se SHBA-ja ka “kontroll të plotë” mbi këtë rrugë ujore të rëndësishme.
Gjatë një postimi në platformën Truth Social, Trump bëri të ditur se bllokada detare e vendosur nga SHBA-të kundër Iranit është “e pathyeshme”, duke e përshkruar atë si “Muri i Çelikut”.
“SHBA-të kanë kontroll të plotë mbi Ngushticën e Hormuzit. MENDOJ SE DO TA MBAJMË ATË!”, tha ish-presidenti amerikan në mesazhin e tij.
Ai gjithashtu kritikoi fuqinë ushtarake dhe ekonomike të Iranit, duke pretenduar se vendi nuk disponon më flotë detare apo forcë ajrore funksionale dhe se Garda Revolucionare është “shkatërruar”.
Përveç kësaj, Trump adresoi edhe gjendjen ekonomike të Iranit, duke akuzuar qeverinë në Teheran për krizë të thellë ekonomike dhe duke theksuar se inflacioni ka arritur në 300%.
“Irani tani është vetëm fjalë dhe asnjë veprim – nuk është më ngacmuesi i Lindjes së Mesme”, përfundoi ai postimin në platformën e tij.
