Një ditë në natyrë pranë Bunës në Dajç, zv.ministrja Edona Bilali e ka shfrytëzuar edhe për të përcjellë një mesazh për kujdesin ndaj mjedisit.
Në një video të publikuar në rrjetet sociale, Bilali shfaqet duke kaluar kohë me familjen në bregun e lumit, ndërsa krahas bukurisë së zonës nuk lë pa vënë në dukje edhe mbeturinat e lëna nga vizitorët.
Ajo nuk është mjaftuar vetëm me një apel për qytetarët, por ka zgjedhur të japë vetë shembullin, duke mbledhur mbetjet e gjetura në hapësirën ku po qëndronte.
Përmes këtij veprimi, zv.ministrja ka përcjellë një mesazh të thjeshtë: natyra nuk është kosh mbeturinash dhe secili vizitor duhet të largohet duke lënë pas një ambient të pastër.
Bregu i Bunës është një prej hapësirave të frekuentuara gjatë verës nga familjarë dhe turistë, ndaj ruajtja e pastërtisë mbetet një përgjegjësi e përbashkët.
